21 окт 09:46
Янгиликлар
Бокс/ММА
Жавоҳир Умматалиевнинг жанг санаси ва манзили ўзгарди
Ўзбекистонлик боксчи Жавоҳир Умматалиев профессионал боксдаги навбатдаги жангини 17 октябрь куни Лондонда ўтказиши керак эди.
Бироқ бизга номаълум сабабларга кўра, беллашув қолдирилган. Умматалиевнинг испаниялик Атакайте Сантанага қарши жанги энди 7 ноябрь куни Манчестер шаҳрида ташкил этилади. Баҳс ярим оғир вазн тоифасида ўтказилади.
Умматалиев профессионал фаолиятида ҳозиргача икки жанг ўтказиб, ҳар иккала баҳсда ғалаба қозонган. Сантана ҳисобида эса тўртта ғалаба ва учта мағлубият бор.
Бокс оқшомининг марказий жангида ярим оғир вазн тоифасида британияликлар Жошуа Буатси ва Уилли Хатчинсон ўзаро тўқнаш келади.
Ҳавола :
Манба : olamsport.com
Фикрлар