30 янв 12:52
Янгиликлар

Енгил атлетика

ЖЧ-2020 коронавирус сабаб қолдирилди

Шу йил март ойида Хитойнинг Нанкин шаҳрида ўтказилиши режалаштирилган енгил атлетика бўйича ёпиқ иншоотлардаги жаҳон чемпионати бир йил кейинга сурилди.

World Athletics ушбу жаҳон чемпионатини 2021 йилнинг март ойига қолдирди. Бунга Хитой давлатида тарқалган коронавирус сабаб бўлган дея хабар бермоқда Халқаро енгил атлетика федерацияси матбуот хизмати. Лекин мезбон шаҳар номи ўзгармайди.

Маълумот учун, Хитойда тарқалган 2019-nCoV коронавируси сабаб ушбу мамлакатда апрель ойигача ўтказилиши режалаштиришган барча мусобақалар бекор қилинган.