ЖЧ-2022. Навбаҳор қозоғистонлик боксчини мағлуб этди ва яна учта ғалаба

Кеча кун давомида тўрт нафар боксчимиз рингга кўтарилди. 

-54 кг: Нозимахон Бултурованинг сенегаллик рақиби Диенабу Диалло рингга чиқмагани сабаб, боксчимиз автоматик тарзда кейинги босқичга йўл олди. 

-50 кг вазнли боксчимиз Азиза Ёқубова АҚШ вакиласи Женнифер Лозанога қарши рингга кўтарилди ва 5:0 ҳисобида ғалаба қозонди.

-60 кг вазн тоифасида Моҳинабону Абдуллаева украиналик рақибаси Амина Абрамовага қарши жанг қилди ва 3:2 ҳисобида ғалабага эришди.

-66 кг вазнли боксчимиз Навбаҳор Ҳамидова қозоғистонлик рақибаси Дарига Шакимовани 3:2 ҳисобида мағлуб этди ва кейинги босқичга йўл олди. Маълумот учун, Шакимова Рио Олимпиадаси совриндори, Осиё чемпиони ҳисобланади. 

Бугун Истанбул шаҳрида IBA Конгресси ўтказилади. Шу сабабли фақатгина кечки дастурда жанглар ташкил этилади. 

Ўзбекистонлик боксчилар ичида -70 кг вазнли Хадичабону Абдуллаева рингга кўтарилади. Унга 1/8 финал жангида австралиялик Франсис Скотт рақиблик қилади. Ушбу жанг бизнинг вақт билан соат 20:00да бошланади. 

Эслатиб ўтамиз, Хадичабону илк жангида Кайман Ороллари вакиласини мағлубиятга учратганди.