17 апр 14:07
Янгиликлар

Футбол

ЖЧ-2022. Осиё қитъасида дастлабки саралаш босқичига қуръа ташланди

Бугун ОФК штаб-квартирасида жаҳон чемпионати биринчи саралаш ўйинларига қуръа ташлаш маросими ўтказилди.

Маълумки, 2022 йилги жаҳон чемпионати Қатарда ўтказилади. Июнь ойидан бошлаб эса дастлабки саралаш ўйинлари старт олади. Саралаш босқичининг биринчи раундида ФИФА рейтингига кўра Осиё бўйича 35-46 рақамдаги жамоалар иштирок этади.

Саралаш учрашувларининг биринчи раундида 12та жамоа ўзаро баҳс олиб боради. Уй-меҳмон тарзида ўтадиган баҳслардан сўнг 6та жамоа кейинги босқичга йўл олади. Дастлабки ўйинлар 6 июнь, жавоб учрашувлари 11 июнь куни бўлиб ўтади.

Ўзбекистон миллий терма жамоаси саралаш босқичини 2-раунддан бошлайди. Иккинчи раунд беллашувлари сентябрда бошланади. Бунда ФИФА рейтингига кўра Осиё бўйича 1-34 ўриндаги жамоалар, шунингдек биринчи раунддан муваффақиятли ўтган 6та жамоа, жами 40та терма жамоа иштирок этади.