ЖЧ-2026 ғолиби 31 ёшида термадаги фаолиятини якунлади

31 ёшли футболчи бу қарор узоқ ўйланган ва шахсий қарор эканини таъкидлади.

"Узоқ мулоҳазалардан сўнг терма жамоадаги фаолиятимни якунлашга қарор қилдим. Биламан, кўпчилик бу қароримни тушунмаслиги мумкин, аммо бу жуда пухта ўйланган ва қалбимдан чиққан қарор.

Испания шарафини ҳимоя қилиш мен учун катта шараф бўлди. Айниқса, сўнгги 52 кун ва жамоамиз билан Испанияни футбол чўққисига олиб чиққанимиз умрим давомида ёдимда қолади. Барчага раҳмат", — деб ёзди Льоренте.

Маркос Льоренте Испания терма жамоасида 2020 йилнинг ноябридан буён тўп сурди. У миллий жамоа сафида 27 та ўйинда қатнашиб, 4 та голли узатма амалга оширган.

"Реал Мадрид" тарбияланувчиси Испания ғолиб чиққан ЖЧ-2026да 3 та учрашувда майдонга тушди.