15 окт 12:57
Янгиликлар

Футбол

ЖЧ саралашдаги рақибимиз Саудия Арабистони сентябрь ва октябрда дам олди, ноябрда иккита ўйин ўтказади

Маълумки, Саудия Арабистони миллий терма жамоаси ЖЧ-2022 саралаш босқичида Ўзбекистон билан бир гуруҳда жой олган.

Терма жамоамиз сентябрда Тожикистон, октябрда Эрон ва БАА терма жамоаларига қарши назорат баҳсларида майдонга тушди. ЖЧ саралашдаги асосий рақибимиз Саудия Арабистони эса йил бошидан бери коронавирус сабаб ҳали биронта йиғин ўтказгани йўқ.

Яқинда бу терма жамоанинг режалари эълон қилинди. Унга кўра, саудияликлар ноябрда иккита ўртоқлик учрашуви ўтказишади ва ҳар иккала баҳс Ямайка терма жамоаси билан бўлиб ўтади. Ўйинлар 14 ва 17 ноябрь куни Ар Риёд шаҳридаги "Шаҳзода Файсал бин Фаҳд" стадионида ташкил этилади.