UZ

Сўнгги янгиликлар

19:30Богдан Гусков Роберт Уиттакерга мурожаат қилди 0 18:51Илия Топурия: "Мақсадим — Гэтжи билан реванш, аммо..." 0 18:15"Кичкина одамни мағлуб этсам, бу менга ҳеч қандай обрў келтирмайди". Шара Буллет Царукян билан эҳтимолий жанг ҳақида 0 18:10Ёшлар ўртасидаги жаҳон чемпионатига қуръа ташланди (Жуфтликлар) 0 17:42Ўзбекистон терма жамоаси Саудия Арабистони устидан ғалабадан сўнг ФИФА рейтингида бир поғона кўтарилди 0 17:05"У афсона". Асу Алмабаев бўлажак рақиби ҳақида фикр билдирди 0 16:29"Энди уларни ҳурмат қилмайман". Собиқ чемпион Нурмагомедов жамоаси ҳақида гапирди 0 15:45Сарсекбаев Қозоғистон ва Ўзбекистонда боксчиларга бўлган муносабатдаги фарқни кўрсатди 0 15:17Япония футбол ассоциацияси собиқ раҳбари ФИФА президентлиги сайловларида иштирок этиш учун ариза топширди 0 14:50UFC'да Асу Алмабаевнинг чемпионлик учун курашиш имконияти ҳақида гапирилди 0 14:24Шаҳрам Ғиёсов барча даврларнинг энг яхши боксчиси ким эканини айтди 0 13:44UFC P4P рейтинги янгиланди: Харрисон Шевченкони ортда қолдирди, Ган Топ-10`да! 0 13:13"Манчестер Сити" Ҳоландни 175 миллион еврога сотишга тайёр 0 12:42Россияни четлаштирган халқаро хоккей федерацияси сайти бузиб кирилди 0 12:11Чимаев чемпионлик унвонини ҳимоя қилади. Рақиб собиқ UFC чемпиони + ПОСТЕР 0

18 дек 21:06
Янгиликлар

Оғир атлетика

ЖЧ якунлари: Йигитларимиз умумжамоа ҳисобида биринчи бўлишди

Тошкент мезбонлик қилган оғир атлетика бўйича катталар ўртасидаги жаҳон чемпионати ўз якунига етди.

Бир неча кун давомида дунёнинг энг кучли атлетлари чемпионлик йўлида муросасиз рақобат олиб боришди.

Қайд этиш жоиз, мураккаб эпидемиологик вазият бўлишига қарамасдан хорижлик мутахассислар ушбу дунё биринчилиги юқори савияда ташкил этилганига алоҳида урғу бердилар. Ўз навбатида, спортчилар ўртасидаги кескин рақобат мухлисларда бир олам таассурот қолдирди. Аввалдан тахмин қилинганидек, оғир вазн тоифаларидаги беллашувлар кутилган интригани тақдим қилди. Айниқса, -109 кг вазн тоифасидаги баҳс юртдошларимиз хотирасида узоқ вақт ёдда қоладиган бўлди. Боиси унда 2 алп йигитларимиз Акбар Жўраев ва Руслан Нурудинов чемпионлик учун ўзаро рақобат олиб боришди. Ушбу вазнда ўзбек полвонларига тенг келадиган рақиб йўқ эканини яна бир карра исботлашди.

Умуман олганда, йигитларимиз мусобақа давомида ўз чиқишлари билан барчамизни хурсанд қилишди. Уларнинг натижалари медаллар жамғаришдаги умумий ҳисобда ҳам ўз аксини топди. Кичик медаллар кесимида 5 та олтин, 5 та кумуш ва 2 та бронза медалларини жамғарган Ўзбекистон эркаклар терма жамоаси умумжамоа ҳисобида биринчи ўринни эгаллади.

Эркаклар, медаллар бўйича:

1. Ўзбекистон – 5-5-2

2. Корея Республикаси – 5-1-4

3. Грузия – 3-4-1

Спортчиларимизнинг иштирокига қараб бериладиган очколар классификациясида эса жамоамиз учинчи ўринни эгаллади.

Эркаклар, очколар бўйича:

1. Россия оғир атлетика федерацияси – 581 очко

2. Эрон – 548

3. Ўзбекистон – 525

Аёллар баҳсида медаллар жамғариш бўйича қизларимиз ўн биринчи поғонани банд этган бўлсалар, очколар кесимида кучли 15 таликни ёпиб беришди.

Умумий ҳисобдаги медаллар жамғармасида ҳам жамоамиз етакчилар қаторида бўлгани фахрланарли. Достон Ёқубов ва Акбар Жўраевнинг олтин, Сарварбек Зафаржонов, Руслан Нурудинов ва Турсуной Жабборованинг кумуш медаллари билан ушбу кесимда иккинчи ўринни банди қилдик.

Умумий ҳисобдаги медаллар жамғариш бўйича:

1. Корея Республикаси – 4-1-2

2. Ўзбекистон – 2-3-0

3. Таиланд – 2-2-1

Шу ўринда, ўз юртимизда биринчи бор ўтказилган катталар ўртасидаги жаҳон чемпионатида шоҳсупага кўтарилиб, юртимиз шарафини муносиб ҳимоя қилган қаҳрамонларимизни эслаб ўтамиз:

Олтин медаль:

-67 кг: Достон Ёқубов – силтаб кўтариш ва икки кураш

-109 кг: Акбар Жўраев – мутлақ чемпионлик (ҳар уч йўналишда)

-87 кг: Турсуной Жабборова – даст кўтариш

Кумуш медаль:

-67 кг: Достон Ёқубов – даст кўтариш

-89 кг: Сарварбек Зафаржонов – силтаб кўтариш ва икки кураш

-109 кг: Руслан Нурудинов – силтаб кўтариш ва икки кураш

-87 кг: Турсуной Жабборова – икки кураш

Бронза медаль:

-67 кг: Адҳамжон Эргашев – силтаб кўтариш

-109 кг: Руслан Нурудинов – даст кўтариш

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг