30 май 13:41
Янгиликлар

Бокс/ММА

Жек Делла Маддалена UFC 305 турниридан "ечилди" + ФОТО

Австралиялик яримўрта вазн (77 кг.гача) тоифасида UFC жангчиси Жек Делла Маддалена (17-2) ўз ватанидаги турнирда иштирок этмайдиган бўлди.

Жек 17 август куни Австралиянинг Перт шаҳрида ўтказиладиган UFC 305 турнирида октагонга чиқиши керак эди. Маддаленани жарроҳлик амалиётидан кейин ўзини ёмон ҳис қила бошлаган. Шифокорлар унга муолажаларни давом эттиришни маслаҳат беришган.

2016 йилда ММАдаги фаолиятини бошлаган 27 ёшли Жек Делла Маддалена 2022 йилдан UFC промоушенида ўз жангларини ўтказиб келяпти. У UFC`да октагонида 7 та жанг ўтказиб, барчасида ғалаба қозонган. Сўнгги жангини шу йил март ойида UFC 299 турнири доирасида чемпионлик учун собиқ даъвогар, бразилиялик Гилберт Бёрнсга қарши ўтказиб, рақибини учинчи раундда нокаутга учратганди.

Катта эҳтимол билан Маддалена навбатдаги жангини қозоғистонлик мағлубият нималигини билмай келаётган аралаш яккакураш устаси Шавкат Раҳмоновга қарши ўтказади. Пертдаги турнирнинг марказий жанги эса ўрта вазн тоифасида UFC чемпиони Дрикус Дю Плесси ҳамда камарнинг собиқ соҳиби Исраэль Адесанья ўртасида ўтказилиши кутилмоқда.