01 авг 13:04
Янгиликлар

Футбол

"Женоа" Отабек Шукуровга қизиқмоқда

Ўзбекистон терма жамоаси ва "Фотиҳ Карагюмрук" клуби ярим ҳимоячиси Отабек Шукуров фаолиятини Италияда давом эттириши мумкин.

"Sport Italia" хабарига кўра, "Фотиҳ Карагюмрук"нинг 27 ёшли футболчисига Элдор Шомуродовнинг собиқ жамоаси "Женоа" қизиқиш билдирмоқда.

Шукуров ўтган мавсум Туркия Суперлигасида 28 та ўйинда майдонга тушиб, 1 та гол урди ва 1 та голли пас узатди. Transfermarkt портали хавбекни 2,5 миллион еврога баҳолаган.

Маълумот учун, "Женоа" ўтган мавсум B Серияда 2-ўринни банд этиб, А Серия 2023/24 йилги мавсумида қатнашиш ҳуқуқини қўлга киритган.