27 янв 18:01
Янгиликлар

Бокс/ММА

Жермелл Чарлодан WBC камари ҳам олинди, бу камар учун кимлар жанг қилиши маълум

Биринчи ўрта вазн тоифасида WBC йўналишининг собиқ чемпиони Жермелл Чарлодан чемпионлик камари олинди.

Жермеллнинг мақоми "таътилдаги чемпион", дея эълон қилинди. Вакант қолган WBC камари учун эса украиналик Сергей Богачук (23-1-0) ҳамда америкалик Себастьян Фундора (20-1-1) жанг қиладиган бўлди.

Чемпионлик жанги 30 март куни Лас-Вегасдаги "T-Mobile Arena"да ўтказилади.

Жермелл Чарло ҳисобида айни дамда фақатгина WBA чемпионлик камари қолмоқда. Аввалроқ, ушбу камар учун ўзбекистонлик Исроил Мадримов ва россиялик Магомед Курбанов жанг қилиши айтилган эди.