10 апр 08:33
Янгиликлар

Бокс/ММА

Жесси Родригес WBO чемпионига айланди

Хабар берганимиздек, бугун АҚШнинг Сан-Антонио шаҳрида навбатдаги профессионал бокс кечаси ташкил этилди.

Оқшом доирасидаги қизиқарли жангларнинг бири биринчи енгил вазнда собиқ жаҳон чемпиони Жесси Родригес иштирокида бўлиб ўтди. Америкалик 23 ёшли боксчи енгил вазн тоифасида вакант бўлиб турган WBO чемпионлик камари учун Кристиан Гонсалесга қарши рингга кўтарилди.

Жанг тўлиқ 12 раунд давом этди. Якунда Родригес мексикалик рақибини ҳакамлар қарорига кўра, 118-110, 117-111, 116-112 ҳисобларида мағлубиятга учратиб, ушбу вазнда WBO йўналишининг янги чемпионига айланди.