Жейк Пол Флойд Мейвезернинг сўзларига жавоб қайтарди

"Оҳ, бу 2022 йил! Флойд Мейвезер катта номга эга бўлмаган боксчиларга қарши жангда ўз тарихини йўқ қилмоқда. У жанг қилмоқчи бўлганларнинг исмларини ҳам билмайди. Тўғриси, мен бунга ишонолмайман. Албатта, у билан жанги қилиш мен учун энг муҳими. Менинг вазним 175 фунт (79,3 кг), уники эса 165 фунт (74,8 кг). Менимча, бу жангни ўтказиб, бир неча юз миллион доллар ишлаб олишимиз ҳақиқатга яқин.

У бошқа вазн тоифасига ўта олмаслиги ҳақида гапирди. Яна қандай баҳоналар бўлиши мумкин? Флойд менинг акам (Логан Пол) қанча вазнга эга эканлигига аҳамият бермади. Нега у менинг вазнимга аҳамият қилади? Ўйлашимча, у мен билан жангда нима бўлишини билади", — деди Жейк ижтимоий тармоқлардаги саҳифасида.

Эслатиб ўтамиз, Жейк Пол 30 октябрь куни собиқ UFC чемпиони, бразилиялик Андерсон Сильвага қарши жанг ўтказади.