Жейк Пол Майк Тайсонга қарши кўргазмали жанг юзасидан музокара олиб боряпти

Афсонавий боксчи Майк Тайсон ҳамда таниқли блогер-боксчи Жейк Пол ўзаро кўргазмали жанг ўтказиш бўйича музокара ўтказишмоқда. Жанг Лас-Вегас шаҳрида ўтказилади ва умумий ҳисобда 50 млн доллар фойда келтириши кутилмоқда.

Манбанинг маълум қилишича, икки томон ҳозирда оғзаки келишувга эришган. Ҳозирда жангнинг молиявий тақсимоти борасида ишлар кетмоқда. Майк Тайсон кафолатланган бонус ва фойдадан маълум миқдорда пул олишни мақсад қилган. Жейк Пол ва Майк Тайсон ўртасидаги жанг икки авлод ўртасидаги қарама-қаршилик, бу эса кўпчилик учун қизиқарли бўлиши кутилмоқда.