Жейк Пол: «Сизнинг бобонгизда Али ва Тайсон бор эди, отангизда Мейвезер, бу авлодда мен борман»

«Мен дунёнинг энг буюк боксчиси бўлиш учун кетяпман. Менимча, бу ҳар кимга берилмайдиган махсус йўл. Болаларнинг назарида мен Майк Тайсонга ўхшайман. Сизнинг бобонгизда Муҳаммад Али ва Майк Тайсон, отангизда Флойд Мейвезер, бу авлодда эса Жейк Пол бор. 

Агар одамлар энг яхши нокаутларни кўришни хоҳласалар, шоулар ҳақида гапиришни истасалар, мен уларга шуни бераман. Мен шоу қўйдим, мен ҳамма нарсани бошқалардан ўзгача тарзда қиламан, менда маскот бор. 

Ўйлайманки, одамлар ва боксчилар буни кўп йиллар давомида такрорлашга ҳаракат қилишади. Мен ҳамма нарсани ўзгача тақдим этаман. Мен нимани ўйласам шуни айтаман. Мен одамларга ёқаманми ёки йўқ, мен учун бу аҳамиятсиз”, - деди Пол.

Жейк Пол навбатдаги жангини 29 август куни собиқ UFC чемпиони Тайрон Вудлига қарши ўтказади.