Жейк Пол Тайрон Вудли билан реванш жангини бекор қилди, унинг кейинги рақиби Фьюри бўлади

«Татуировка қаерда? Қандай қилиб у «Реваш шартномасини имзоланг, кейин мен татуировка оламан», деб айтиши мумкин, агар татуировка бу жанг олдидан келишилган бўлса?» - деди Pol Full Send подкастининг кейинги қисмида. «Биз ютқазган одамга татуировка қилдиришига келишиб олдик. Энди у буни ўзгартириб, реванш олиш шарти қилмоқчи. У билан яна жанг қилишдан фойда йўқ. Агар у ҳозирда татуировка қилиб, уни интернетга жойлаштирса ва видео интернетда тарқалса, мен реванш бериш ҳақида ўйлардим, лекин ҳаммасини бузиб ташлади». 

Блоггернинг сўзларига кўра, унинг кейинги рақиби катта эҳтимол билан WBC йўналиши чемпиони Тайсон Фьюрининг укаси Томми Фьюри бўлади.

«Ўйлайманки, Томми Фьюри потенциал даъвогарлар рўйхатининг биринчи ўринида туради. У мағлубиятсиз. У Тайсон Фьюрининг укаси ва ҳақиқий боксчи. Унинг Инстаграмда тўрт миллион кузатувчиси бор - Томми машҳур ва мухлислари кўп. Менга ҳеч қандай имконият бермайдиган жангларни қабул қилишни ёқтираман ва одамлар мен ҳақимда хато ўйлаганлигини исботлайман», - деди Пол.