Жейк Пол: "Уни мағлуб этишнинг иложи йўқ!"

"Ажойиб жанг. Менимча, бу жанг бокс ривожи учун ҳам ташкил этилиши зарур. Сўнгги пайтларда муваффақиятга эришаётган ММА, айниқса UFC машҳурлигини олиб ташлаш учун бу жанг бўлиши керак.

Менимча, бокс аралаш якка курашлар орасида биринчи ўринда бўлиш учун бу жанг ташкил этилиши керак", — дея Полнинг сўзларини келтиради talkSPORT.

Полнинг Фьюри—Жошуа жангида "Лўлилар Қироли" ғалаба қозонишига ишончи комил.

"Мен Тайсон Фьюрига пул тикишим керак. Менга Энтони Жошуа жуда ёқади. У яхши йигит, у мени илҳомлантиради. Аммо Тайсонни мағлуб этиб бўлмайди.

Унинг бўйи жуда узун ва жуда катта маҳоратга эга боксчи. Тайсон рингда Муҳаммад Али каби ҳаракат қилади. У ақл бовар қилмас зарбаларга дош берган. Тайсон оғир вазн тоифаси тарихидаги энг кучли панчер Деонтей Уайлдердан ўнлаб зарбалар қабул қилиб олган. Хуллас, уни мағлуб этишнинг иложи йўқ!", — дея қўшимча қилди Жейк Пол.

Эслатиб ўтамиз, Жейк Пол 30 октябрь куни собиқ UFC чемпиони, бразилиялик Андерсон Сильвага қарши жанг ўтказади.