Жиддий рақиб! Нурсултон Рўзибоев UFC'даги иккинчи жангини кимга қарши ўтказиши мумкинлиги эълон қилинди + ФОТО

Нурсултон Рўзибоевнинг яқинлари маҳаллий ОАВга унинг навбатдаги жанги бўйича тафсилотларни маълум қилган.

Унга кўра, ҳамютимиз UFC'даги иккинчи жангини бразилиялик Мишель Перейрага қарши ўтказиши мумкин. Жанг 2024 йилнинг февраль ёки март ойида бўлади.

Агарда Нурсултон март ойида жанг қилса, жанг 2 март куни Саудияда ўтказиладиган турнир доирасида бўлиб ўтади.

Маълумот ўрнида, 30 ёшли Мишель Перейра (29-11-0) UFC'да 9 та жанг ўтказиб, 7 та ғалаба ва 2 та мағлубият қайд этган. У лигадаги фаолияти давомида Андре Фиальо, Сантьяго Понзиниббио, Андре Петроски каби жангчилар билан тўқнаш кнлган ва ғалаба қозонган.

Нурсултон Рўзибоев эса карьераси давомида UFC'да битта жанг ўтказишга улгурди. У дебют жангида бразилиялик Бруно Ферррейрани илк раунддёқ нокаутга учратган эди.