25 май 09:45
Янгиликлар

Велоспорт

Жиро Д'Италия. Пьер Роллан – 17-босқич ғолиби!

Италия йўллари бўйлаб давом этаётган нуфузли Жиро д’Италия кўпкунлик велопойга мусобақаси ўз якуни сари яқинлашмоқда.

Мусобақанинг 17-босқичида Пьер Роллан ғолибликни қўлга киритди. Cannondale-Drapac жамоасининг 30 ёшли франциялик велоспортчиси белгиланган масофани биринчи бўлиб босиб ўтди.

Бу Ролланнинг Жиро д’Италия мусобақасидаги биринчи ғалабаси бўлди. Шу кунгача у фақат Тур де Франс пойгаларининг иккита (2011 ва 2012) босқичида зафар қучган эди.