24 май 12:06
Янгиликлар

Велоспорт

“Жиро д'Италия”. Вивиани 17-босқич ғолиби!

Италиялик пойгачи Quick-Step Floors Элиа Вивиани “Жиро д’Италия” кўпкунлик веломусобақасининг 17-босқич ғолибига айланди.

Quick-Step Floors жамоаси аъзоси ВиРива-дель-Гарда – Изео шаҳарлари оралиғидаги 155 км масофани 3 соату 19 дақиқа 57 сония ичида босиб ўтди. Ирландиялик Сэм Беннетт иккинчи, италиялик Никколо Бонифацио учинчи ўринни эгаллади.

Ўн еттита босқич якунларига кўра британиялик Саймон Йейтс пешқадамлик қиляпти. Голландиялик Том Дюмолен карвонбошига 56 сонияни бой берган ҳолда иккинчи ўринни эгаллаб турибди. Италиялик Доменико Поццовиво кучли учликка якун ясаган.