Жисмоний тарбия ва спорт университети талабалари халқаро конференцияда иштирок этди

Конференцияда Ўзбекистон давлат жисмоний тарбия ва спорт университети ректори, профессор М.Болтабаев раҳбарлигида университетнинг спорт ўйинлари факультети 4-босқич талабаси Карина Алимова ҳамда 3-босқич талабаси Ольга Ключниковалар иштирок этишди.

Анжуман турли мамлакатларнинг жисмоний маданият ва спорт соҳасидаги талабалар ҳамда ёш олимларини бирлаштириб, талабалар спортини ривожлантириш муаммолари ва истиқболлари, ёшларнинг соғлиғи ва жисмоний ривожланишини кучайтириш воситалари ва усулларини излаб топишга хизмат қилади.

Конференциядан кўзланган асосий мақсад – талабалар спортини ривожлантиришнинг турли жиҳатларини муҳокама қилиш, саломатликни сақлаш ва тарғиб қилиш, талабаларни жисмоний тарбия ва спорт билан мунтазам таништириб, янги спорт технологияларини аниқлашга ёрдам беришдан иборат.

Маълумот учун, Конференция доирасида Қозоғистон спорт ва туризм академиясининг 75 йиллик юбилейи ҳам кенг нишонланди.