10 апр 07:17
Янгиликлар

Бошқалар, Муайтай

Жиу-житсучиларимиз Жаҳон кубогига йўл олишди

10-12 апрель кунлари Таиланд қироллигининг Чанг Майи шаҳрида университет талабари ўртасида Жаҳон кубоги баҳслари бўлиб ўтади.

Мазкур нуфузли спорт тадбирида жиу-житсу спорти бўйича ҳам сайёрамизнинг энг кучли спортчилари ғолиблик учун куч синашади. Улар орасида ўзбекистонлик талаба жиу-житсучилар ҳам иштирок этади.

Ўзбекистон терма жамоаси аъзолари Ислом Каримов номидаги Тошкент халқаро аэропортидан Таиланд қироллигига жўнаб кетишди. Хуршид Эшонхўжаев бошчилигидаги делегациямиз аъзолари 11 апрель куни Ne-waza ва Duo system йўналишларида баҳсларга киришади.

Қайд этиш лозимки, жорий йилда терма жамоамиз аъзолари Лондон (Буюк Британия), Токио (Япония), Лос-Анжелес (АҚШ), Рио-де-Жанейро (Бразилия) шаҳарлари мезбонлигида ўтказиладиган катта дубулға турнирлари, шунингдек, БАА пойтахти Абу-Дабида ташкил этиладиган Жаҳон чемпионатида мамлакатимиз шарафани ҳимоя қилади.