Жиззахда 5 та муҳим ташаббус бўйича мусобақалар ўтказилди

Президентимиз томонидан илгари сурилаётган 5 та муҳим ташаббуснинг иккинчиси бўлган ёшларни жисмонан чиниқтириш, уларни спорт соҳасида қобилиятларини намоён қилишлари учун зарур шароитлар яратишга йўналтирилган ташаббус ижросини таъминлаш, ёшларни таътил кунларини мазмунли ташкил этиш мақсадида мамлакатимизнинг барча ҳудудларида спорт мусобақалари ташкил этилмоқда.

Жиззах шаҳар болалар-ўсмирлар спорт мактабида бўлиб ўтган спортнинг бокс бўйича вояга етмаганлар ўртасида «Биз ёшлар гиёҳвандликга каршимиз» шиори остида ҳамда “Халкаро бокс куни” муносабати билан Жиззах шаҳар БЎСМ биринчилиги мусобақасида 70 нафарга яқин ҳаваскор спортчилар иштирок этди.

Ушбу мусобақа якуний натижаларига кўра 1-ўринни Умид Нарзуллаев, 2-ўринни Асил Муллажонов, 3-ўринни Шерали Алимов ва Бахтиёр Исломовлар эгаллади.

Спортнинг Армрестлинг туридан 2002-2005 йилларда туғилган ўсмирлар ва қизлар ўртасида Бахмал туман биринчилиги мусобақасида 50 нафарга яқин спортчилар беллашишди.

Мусобақада умумжамоа ҳисобида

I – ўринни БЎСМ-1 жамоаси;

II – ўринни 3 – умумтаълим мактаби жамоаси;

III – ўринни 2 – умумтаълим мактаби жамоаси эгалладилар.

Мирзачўл туманида бўлиб ўтган стол тенниси, шахмат-шашка ҳамда кураш мусобақаларида 150 нафарга яқин ўқувчи ёшлар иштирок этишди.

Мусобақалар кўтаринки кайфиятда қизғин баҳсларга бой ўтди. Ғолибларга ташкилотчилар томонидан диплом, медал ҳамда эсдалик совғалари топширилди.