22 окт 18:43
Янгиликлар

Тадбирлар

Жиззахда оммавий тадбир: нафас машқлари ва бадантарбия – соғлом ҳаёт сари қадам

Мамлакатимизда карантин қоидаларининг юмшатилиши муносабати билан кенг аҳолини соғлом ҳаётга қайтариш ҳамда оммавий спортни ривожлантириш мақсадида турли оммавий спорт тадбирлари мунтазам ташкил этилиб келинмоқда.

Жумладан, Жиззах шаҳри марказидаги «Ёшлар шаҳарчаси»да вилоят Жисмоний тарбия ва спорт бошқармаси ташаббуси билан эрталабки нафас машқлари ҳамда оммавий бадантарбия машғулотлари ташкил этилди.

Мазкур оммавий спорт тадбирида Жиззах шаҳридаги спорт таълим муассасаларининг раҳбарлари, тренерлари, ишчи ходимлари, фахрий спортчилар, Нуронийлар жамғармаси шаҳар бўлими нуронийлари ва кенг жамоатчилик вакиллари иштирок этишди.

Ушбу жараён Ўзбекистон миллий телерадиокомпанияси «Спорт» телеканали ижодкорлари томонидан тайёрланаётган «Ислоҳотлар амалда» махсус кўрсатувига тасвирга олинди.

Бундан хулоса қиладиган бўлсак, Жиззахда бошланган оммавий спорт тадбирлари Республика бўйлаб кенг қулоч ёяди.