Жиззахда стол тенниси ва гандбол бўйича мусобақалар ташкил этилди

Жумладан, Зарбдор тумани болалар-ўсмирлар спорт мактабида стол тенниси буйича вилоят биринчилиги бўлиб ўтди. Беллашувларда шаҳар, туман, ихтисослаштирилган болалар-ўсмирлар спорт мактаби жамоаларидан жами 134 нафар спортчи иштирок этди. Мусобақа якунларига кўра, Вилоят спорт ўйинлари ва енгил атлетикага ихтисослаштирилган болалар-ўсмирлар спорт мактаби жамоаси умумжамоа ҳисобида биринчи ўринни эгаллади. Иккинчи ва учинчи ўринлар мос равишда Зарбдор ва Шароф Рашидов тумани спортчиларига насиб этди.

Ушбу сана муносабати билан шунингдек, Жиззах Олимпия захиралари спорт коллежида 2003-2004 йилларда туғилган спортчилар ўртасида гандбол бўйича мусобақа бўлиб ўтди. Ўғил болалар ўртасидаги беллашувларда Жиззах Олимпия захиралари спорт коллежи жамоаси биринчи ўриндан жой олди. Иккинчи ўринни ИБЎСМ-3 жамоаси эгаллаган бўлса, учинчи ўрин ИБЎСМ-2 жамоасига насиб этди. Қизлар ўртасида баҳсларда эса ИБЎСМ-2 жамоасига тенг келадиган рақиб топилмади. Вилоят ИБЎСМ-1 жамоаси иккинчи поғонани банд этди. Учинчи ўринни эса Жиззах шаҳар БЎСМ жамоаси эгаллади.

Мусобақалар якунида совриндорларга диплом, медаль ва эсдалик совғалари тақдим этилди.