Жиззахда велоспорт бўйича Ўзбекистон чемпионати старт олди

Шоссе йўналиши бўйича ўтказиладиган мазкур мусобақа доирасида катталар ўртасида мамлакат биринчилиги ва 2001-2002, 2003-2004, 2005-2006 йилларда туғилган ўсмирлар учун алоҳида классификацияда федерация кубоги баҳслари бўлиб ўтади. Унда Республикамизнинг турли вилоятларидан ташриф буюрган 200 га яқин спортчи иштирок этиши кутилмоқда.

Катталар Жиззах-Зомин йўналиши бўйлаб ўзаро баҳс олиб боришса, кичик ёшдаги велоспортчиларимиз ўзлари учун белгиланган масофаларда рақобат олиб бориши белгилаб қўйилган. 

Таъкидлаш жоиз, бу турнир катталар терма жамоаси учун Токио Олимпиадасига лицензион очко берувчи мусобақаларга тайёргарлик вазифасини ҳам ўтаб беради. Мусобақа 22 июнгача давом этади.