Жиззахда яна бир замонавий яккакураш зали қад ростлади, дзюдочиларимиз у билан яқиндан танишишди + ФОТОРЕПОРТАЖ

Жумладан, Жиззах шаҳрида ана шундай спорт объектларидан бири - Дзюдо ва Кураш маҳорат мактаби янгитдан қурилиб, фойдаланишга топширишга шай ҳолга келтирилди. Ўзбекистон дзюдо федерацияси Бош котиби Азиз Собиров бошчилигида терма жамоамиз дзюдочилари ушбу маҳорат мактабида бўлиб, у билан яқиндан танишишди. 

Ўзбекистон чемпионати беллашувларини бемалол ўтказиш имконини берувчи зал, шинам ошхона ва ётоқхона тез орада жиззахлик ёшлар ихтиёрига топширилади. Мажмуа билан танишар экан, Олимпия ўйинлари совриндорлари Давлат Бобонов ва Музаффарбек Тўрабоев спорт кошонасига файз киритиб турган ўз портретлари олдида эсдалик учун суратга ҳам тушишди.