Жокович фаолиятидаги 89-совринини қўлга киритди

Бош соврин дунёнинг еттинчи ракеткаси Новак Жоковичга насиб этди. Сербиялик теннис юлдузи ҳал қилувчи финал учрашувида рейтингнинг 16-поғонасидан жой олган хорватиялик Марин Чилични мағлубиятга учратди - 6/3, 6/4.

Теннисчиларнинг ўзаро ўтказган учрашувларидаги ҳисоб Новак фойдасига янада йириклашди - 19:2! Бир соату 35 дақиқа давом этган баҳсда Жокович 7, Чилич эса 13 та эйс зарбасини амалга оширган. 

Исроил турниридаги муваффақиятли иштирок сербияликка 250 рейтинг очкоси ҳамда 144,415 доллар мукофот жамғармаси келтирган. Бу Жоковичнинг мавсумдаги учинчи, фаолиятидаги 89-соврини бўлди. У бунгача "Уимблдон" ҳамда Рим "Мастерс" турнирларида бош совринга эга чиққанди.