Жон Жонс: "Нотўғри инфо. Мен ҳозир Техасда, қизларим ёнидаман"

Америкалик жангчи Drug Free Sport (DFS) антидопинг агентлиги хизмати ходимига ўлдириш билан таҳдид қилганини ҳам инкор этмоқда. 

"Эътиборингизни бугун мен ҳақимда тарқалган дезинформация, яъни нотўғри хабарга қаратмоқчиман. Тонгда мени полиция ҳибсга олгани ҳақидаги ёлғон хабарлардан уйғондим. Бу нотўғри хабар — мен озодликдаман. Айни пайтда Техасда, қизларим билан волейбол турниридамиз. Мени номимдан пул ишлаш осон бўлиб қолганини тушунаман. Ҳа, текширувчилар билан қўполроқ муомалада бўлгандирман, лекин ўлим билан таҳдид қилганим йўқ. Ҳатто овозимни баланд оҳангда ҳам гапирмадим. Афсуски, нотўғри хабарлар текширилмасдан тарқатилди", — дея ўзининг ижтимоий тармоқдаги саҳифаларида мурожаат қилган Жонс. 

Айни пайтгача Нью-Мексиконинг Берналийо округ полицияси ҳам Жонснинг ҳибсга олингани ҳақидаги хабарни тасдиқлагани йўқ.