Жон МакКарти Жин Сильванинг "сакраши"га эксперт баҳосини берди

Ёдингизда бўлса, бразилиялик ярим енгил вазн вакили Жин Сильва рақибининг устига чиқиб, ундан сакраш учун трамплин сифатида фойдаланган эди. МакКарти ушбу ғалати эпизодга изоҳ берди.

"Эҳтимол, бу аҳмоқона саволдир, лекин Жин Сильванинг UFC 324 турниридаги Арнольд Алленга қарши ғалати иши учун ундан очко олиб ташлаш ёки ҳеч бўлмаганда огоҳлантириш бериш керак эмасмиди? У унинг умуртқа поғонасини синдириб юбориши ва мажруҳ қилиб қўйиши мумкин эди. Бу ноқонуний усулга ўхшайди", - деб ёзди ижтимоий тармоқда мухислардан бири таниқли реферига мурожаат қилиб.

"Кечирасан, йигитча, лекин бу вазиятда, у Алленни итариб юборганида, мен қоидабузарлик деб ҳисоблаш мумкин бўлган ҳеч нарсани кўрмаяпман. Спортга хос бўлмаган хатти-ҳаракатлар бундан мустасно, лекин ўша шароитда бу унга яқин эди, деб ўйламайман. Ҳа, ғалати кўринди, лекин мен бунда ҳеч қандай қонунга хилоф нарсани кўрмадим", - деб жавоб берди Жон.

Рақамли мусобақанинг асосий кардини очиб берган ярим енгил вазн тоифаси вакиллари жанги тўлиқ уч раунд давом этган ва унда бразилияликнинг очколар (30-27, 30-27, 29-28) ҳисобидаги ғалабаси билан якунланган эди.