Жонс Оқ уйда қанча суммага жанг қилишдан бош тортгани айтилди

Оғир вазнда америкалик собиқ UFC чемпионини 15 миллион доллар миқдоридаги кафолатланган гонорар қониқтирмаган. Бу ҳақда таниқли спорт шарҳловчиси Ариэль Хельвани маълум қилди.

"Улар келишувга эриша олишмади. Жон Жонс тахминан ўтган йили Том Аспиналл билан жанг учун таклиф қилинган пулни олмоқчи эди. UFC’да эса Конор Бенн Zuffa Boxing билан шартнома бўйича шунга яқин гонорар олади. Шу билан ҳаммаси тўхтаб қолди", - деди мухбир ўзининг таҳлилий дастурининг навбатдаги сонида.

Жонснинг ўзи ўтган йили Том Аспиналлга қарши бирлаштирувчи жанг учун 30 миллион долларлик таклифни рад этганини, Конор Беннинг Регис Прогрейсга қарши жанги учун гонорари эса 15 миллион доллар бўлганини тан олганди.

Жон Жонснинг UFC билан келишуви барбод бўлиб, 14 июнга белгиланган байрам турнири кардига киритилмаганидан сўнг, америкалик Дана Уайтнинг бундай имконият ҳатто кўриб чиқилмаганини очиқчасига айтган сўзларидан хафа бўлиб, уни лига билан шартномадан озод қилишни сўради.