26 янв 11:29
Янгиликлар

Теннис

Жўрабек ва Фомин Қозондаги турнирда вице-чемпион бўлди

Россия Федерациясининг Қозон шаҳридаги мусобақада жуфтлик баҳслари ниҳоясига етди.

Турнирнинг жуфтлик баҳслари ўртасидаги финалга ўзбекистонлик теннисчилар Жўрабек Каримов ва Сергей Фомин етиб келишганди. Ҳал қилувчи финал ўйинида теннисчиларимиз мезбон спортчилар - Александр Игошин ва Евгений Тиурнев тандемига қарши кортга чиқишди.

1 соат 19 дақиқа давом этган ўйинда ҳамюртларимиз афсуски 6:7, 4:6 ҳисобларида ютқазиб қўйишди ва турнир вице-чемпионлиги билан кифояланишди.

Бугун Сергей Фомин яккалик баҳсларида финал ўйинида иштирок этади.