Жошуа асосий мақсадини айтди

Британиялик боксчи яна шоҳсупага қайтиб, совринларга эга чиқмоқчи.

"12 раундлик жангларда ғалаба қозонишнинг ягона йўли - спорт залида тинмасдан меҳнат қилиш! Шу сабабли, дунё миқёсидаги залда шуғулланаётганимда роҳат оламан. Шундай гап бор, бахтли жангчидан хавфли жангчи чиқади. Демак, боксчининг атрофи уни қўллаб турганларга тўла бўлса, унинг мияси барча нарсани тезда қабул қилади.

Тўхташни истамайман ва фақатгина ишлашла давом этиб, яна жаҳон чемпиони бўлмоқчиман. Ҳаётимни қайнатиб, ушбу дивизионга яна азарт олиб кирмоқчиман. Мени биласиз, қачонки энг юқорисида бўлсам, исталган чақирувларни қабул қиламан. Ўша ерга етишим билан барча орзуларим ушалади", - деди Жошуа.

Эслатиб ўтамиз, Жошуа навбатдаги жангини 12 август куни Лондонда ватандоши Диллиан Уайтга қарши ўтказади.