Жошуа: "Бу саволга фақат Усик жавоб бера олади"

Шунингдек, британиялик боксчи Усик билан жангга тўлиқ тайёр эканини таъкидлади.

"У жуда кўп вазн тўплабди. Нега бундай қилганини билмайман. Мен ҳам ўз оғирлигимни етарлича деб билмаганимда 15 килограмм вазн тўплаган бўлар эдим. Супероғир вазн тоифасидаги боксчи хоҳлаганча вазн йиғиши мумкин ва Усик айнан шундай қилди. Мен юқоридаги сабаб туфайли шундай қилган бўлар эдим.

Иккинчи сабаб — вазн қанча ошса, зарбалар ҳам шунга яраша оғир ва кучли бўлади. 

Сабаблар кўп бўлиши мумкин, бу саволларга фақат Усикнинг ўзи жавоб бера олади. Вазн ўлчаш хонасида кўп вақт сарфлай олмайсиз. Қандай машқ қилсангиз ҳам, танангиз бунга мослашади. Демак, бу табиий равишда содир бўлган.

Мен тайёр эканлигимга ишонаман. Усикни нокаутга учратиш учун етарлича кучга эгаман деб ҳисоблайман. Кучим етишига ишонаман. Рингдаги қийинчиликка тайёрман. Жанг олди тахмин билдиришни хоҳламайман. Шунчаки тайёр эканлигимни айтаман", - дея иқтибос келтиради Жошуа Boxing News 24.

Эслатиб ўтамиз, Усик - Жошуа реванш жанги 20 август куни Жидда шаҳрида Super Dome аренада бўлиб ўтади.