"Жошуа фаолиятини якунлаши мумкин"

Дэвид Хэй ҳамюрти Энтони Жошуа украиналик Александр Усикка қарши реванш жангида мағлубиятга учраса, боксни тарк этишга қарор қилиши мумкинлигини таъкидлади.

"Агар Жошуа ғалаба қозона олмаса, фаолиятини давом эттиришига шубҳам бор. Уни қандай мағлуб этишни билган одам калтаклади. Агар у ҳаммасини тўғри бажарган тақдирда ҳам Усик ғалаба қозонса, Жошуа фаолиятига якун ясаши мумкин. 

У яна мағлуб бўладиган бўлса, фаолиятини давом эттириши қийин кечади. У Усикни мағлуб этиш учун барча жисмоний имкониятларга эга эканлигига ишонади. Мен унга ишонаман. Тўғри тактика билан у ғалаба қозониши мумкин.

Ўйлайманки, бу сафар у мағлуб бўлмайди. Ишончим комил, Роберт Гарсия бунга йўл қўймайди. Биринчи жанг ҳақида ким нима демасин, бу муҳим эмас. Жошуа аввалги даражасига қайтиши учун бу жангда ғалаба қозониши шарт", - деди Дэвид Хэй.

Эслатиб ўтамиз, Усик ва Жошуа ўртасидаги реванш жанги 20 август куни Жидда шаҳридаги Super Dome аренада бўлиб ўтади.