22 апр 07:03
Янгиликлар

Бокс/ММА

Жошуа Фьюри-Уайт жангида иштирок этиши мумкин, фақат боксчи сифатида эмас

"Лўлилар қироли" ҳамюртига ўзига хос таклиф билдирди.

Супероғир вазнда WBC камари соҳиби Тайсон Фьюри Диллиан Уайт билан жангига Энтони Жошуа ва промоутер Эдди Хирнни таклиф этганини маълум қилди.

Фьюрининг сўзларига кўра, Жошуа агар истаса, унинг бурчагида ёрдам бериши мумкин.

"Улар таклиф қилинди. Улар менинг меҳмоним бўлишлари мумкин. Бир қанча чиптам бор. Эдди Хирнга битта, Энтони Жошуага эса иккита чипта юбораман, чунки у ҳозир семирган. Ўз ёнимдан тўлаб, Жошуага иккита чипта олиб бераман. Улар менинг шахсий меҳмонларим бўлиши мумкин.

Жошуа агар хоҳласа, менга бурчагимда ёрдам бериши мумкин. Унинг Уайтни ёқтирмаслигини биламан, шундай экан агар хоҳласа, у бу ишни қилиши мумкин", - дея Фьюрининг сўзларини келтиради Boxing 247.