Жошуа Усикдан кутаётган асосий ҳавф нималигини айтди

WBA, IBF, WBO ва IBO камарлари чемпиони Энтони Жошуа ўзининг Александр Усикга қарши жанги олдидан фикрлари билан ўртоқлашди. Боксчи рақиби туғдириши мумкин бўлган энг асосий ҳавф ҳақида гапирди.

"Усикдан келувчи энг катта ҳавф унинг чапақай позицияси. Александр фаолияти давомиди жуда кўп ўнақайлар билан жанг қилган, лекин мен машғулотлар жараёнида шунга тайёрландим. Оёқларимни қаерга қўйишни, чапақайни қандай бошқаришни ва айнан қачон жавоб зарбасини беришни аниқ билиб олдим. 

Шу билан бирга, Усик ҳам мен каби жуда кўп йигитлар билан жанг қилган. Бутун фаолияти давомида у билан бир ҳил услубда курашишган. Мен эса охирги уч ойда бу услубга кўникишимга тўғри келди ва бемалол айта оламанки, мен бунга мослашиб олдим", - дейди Энтони Жошуа.

Эслатиб ўтамиз, Усик - Жошуа жанги 25 сентябрь куни ўтказилади.