Жошуа Усикдан қабул қилган мағлубиятига изоҳ берди

Оқшомнинг марказий жанги супероғир вазн тоифасида ўтказилиб, унда WBA Super, WBO, IBF ва IBO йўналишлари чемпиони, британиялик Энтони Жошуа украиналик даъвогар, биринчи оғир вазнда собиқ мутлақ жаҳон чемпиони Александр Усикка имкониятни бой берганди. Ўн икки раунд тўлиқ давом этган жанг якунида ҳакамлар бир овоздан Усикнинг ёрқин ғалабасини қайд этишди — 116-112, 117-114, 115-113.

"Қаршингизда дунё остин-устун бўлиб кетган тақдирда ҳам яхши кайфиятни сақлаб қолинг. Лондон, мен яхши кўраман ва ҳамиша сендан миннатдорман!" — дея ўзининг Инстаграм саҳифасида мағлубиятидан сўнг илк бор фикр билдирган Жошуа.

Маълумот учун, 31 ёшли Жошуанинг мағлубиятлари иккитага етди. Унинг ҳисобида 24 ғалаба (22 таси нокаут) бор. 34 ёшли Александр Усик 19-жангидаги 19-ғалабасини тантана қилди. 13 та жангни муддатидан аввал якунлаган.