08 июн 11:52
Янгиликлар

Бокс/ММА

Жошуага қарши жангга тайёргарлик кўраётган Усик машғулотдан сурат намойиш этди + ФОТО

Супероғир вазнда WBA Super, WBO, IBF ва IBO йўналишлари чемпиони Александр Усик ушбу камарларнинг собиқ соҳиби Энтони Жошуага қарши кечадиган реванш жангига тайёргарликни давом эттирмоқда.

Украиналик жаҳон чемпиони ўзининг ижтимоий тармоқдаги саҳифаларига машғулотдан сурат ҳам намойиш этди. Усик - Жошуа жангининг санаси ва манзили тез орада расман эълон қилинади. Жангга катта эҳтимол билан Саудия Арабистонининг Жидда ёки Ар-Риёд шаҳри мезбонлик қилади.

Аввалроқ, Усик ва Жошуа ўртасидаги реванш жангининг 20 август ўтказилиши ҳақида хабар берилган эди. Боксчиларнинг илк жанги 12 раунд тўлиқ давом этган ва Александрнинг 116-112, 117-114, 115-113 ҳисобидаги ғалабаси билан якунланганди. Ушбу жанг The Ring журнали томонидан 2021 йил воқеаси сифатида эътироф этилганди.