29 сен 10:52
Янгиликлар

Бокс/ММА

Жошуага Уайлдерга қарши жанг ўтказиш таклифи берилди

Америкалик таниқли промоутер Боб Арум британиялик Энтони Жошуани чемпионлик орзусидан воз кечишга чақирди.

Унинг айтишича, Дэниэл Дюбуадан қабул қилиб олинган шармандали мағлубиятдан кейин Жошуа ортиқ чемпионлик камарлари ҳақида ўйламаслиги керак.

"Сени дўппослашса, бу омадсиз кун эмас. Мен Энтонига чемпионлик орзусидан воз кечиб, ўзи сингари қора йўлакка тушиб қолган Деонтей Уайлдер билан жанг ўтказишни таклиф қиламан. Деонтей кетма-кет иккита мағлубиятни қабул қилди.

Ўйлашимча, тўлақонли IBF чемпионлигини қўлга киритган Дюбуа Жошуага реванш имкониятини бермайди. Унинг саудияликлар билан иккита жанг учун шартномаси бор эди. Келишувда реванш ҳақида банд йўқ. Иккинчи жангини катта эҳтимол билан Фьюри - Усик жанги ғолибига қарши ўтказади. Қараб туринг, у шундай ҳам қилади", — деди 93 ёшли Арум.