Жошуанинг мураббийи: "Унга доим буни эслатиб турамиз"

Шу билан бирга Гарсия Жошуани украиналик боксчига қарши жиддий тайёргарлик кўргани ва мутлақ жаҳон чемпионлигини мақсад қилганини таъкидлади.  

"Ҳаммаси ажойиб. Биз бу жангга қаттиқ тайёргарлик кўрдик. Жошуа барча камарларни қўлга киритмоқчи. Буни амалга ошириш учун у биринчи навбатда Усикни мағлуб этиши керак. Энтони жангга жиддий тайёргарлик кўрди ва айтилган вазифаларни ғайрат билан бажарди. 

У кўплаб жанг видеоларини кўриб, анча нарса ўрганди. Шундай экан бизда ҳаммаси жойида. Биз декабрдан бери жангга тайёргарлик кўраяпмиз. Жошуа жанг куни ажойиб кайфиятда рингга кўтарилади ва ўз ишини бажаради. У нима қилиш кераклигини билади. Мен ва бутун жамоа бундан хурсандмиз.

Усик доим ажойиб боксчи бўлган. У менинг спорт залимда реванш жангига тайёргарлик кўрди. Биз уларга ҳазил қиламиз. Аммо, тан олиш керак улар ўз ишининг усталари", - деди Роберт Гарсия.

Энтони Жошуа ва Александр Усик ўртасидаги реванш жанги 20 август куни Саудия Арабистонининг Жидда шаҳрида бўлиб ўтади.

Эслатиб ўтамиз, боксчилар ўртасидаги илк жанг 2021 йилнинг октябрь ойида Ноттингем (Буюк Британия) шаҳрида ўтказилган бўлиб, ўшанда Александр Усик Жошуани очколар ҳисобида мағлуб этганди.