Жошуанинг мураббийи Усик - Фьюри жангида ким ғалаба қозонишини айтди

"Усик Фьюрига муаммо туғдиради. Лекин, менимча Тайсон ғалаба қозониш йўлини топади. У жуда катта, баланд бўйли ва қўллари узун. Шахсан мен Усик Фьюрини мағлуб этишини тасаввур қила олмайман. Бу жанг супероғир вазнни жуда қизиқ қилади" — деди Фернандес talkSPORTʼга берган интервьюсида.

Фернандеснинг сўзларига кўра, Энтони Жошуа Тайсон Фьюри билан жанг қилмоқчи.

"Жошуа қайтади ва умид қиламанки Тайсон Фьюри билан жанг қилади. Ким билсин балки Усик билан учинчи жанг ҳаммасига якун ясар. Менимча, жамоа эҳтимолий рақиблар номини эълон қилгунча кутиш керак. Бизда яна битта жанг бор, рақиб кучли ўнталикдан бўлиши шарт. Жошуа кўп нарсаларни ўрганиши керак. У икки ёки учта жанг ўтказади",  — дея қўшимча қилди Фернандес.

Аввалроқ, Усик - Фьюри жанги қачон, қаерда ўтказилиши ҳақида маълумот берган эдик.