12 июл 10:56
Янгиликлар

Бокс/ММА

Жошуанинг собиқ рақиби реванш жангида ҳам Усик ғолиб бўлишини айтди

Супероғир вазнда собиқ жаҳон чемпиони Жозеф Паркер Усик — Жошуа реванш жангига ўз тахминини билдирди.

"Қулоқ солинг, бу ажойиб жанг. Жошуа янги жамоа йиққан, бу қизиқ, чунки унинг тайёргарлигига ишончимиз комил эмас. Медиа уларнинг қандай ишлаётганини айтолмайди.

Усик рингга аввалгидан-да кўпроқ ишонч билан чиқади. Айни пайтда мен унга пул тиккан бўлардим. Унинг биринчи жангда тўлиқ устунлик билан ғалаба қозонгани бунга сабаб бўла олади. Агар у реваншга ҳам шундай ишонч билан чиқса, ўз ишини қойиллатади", - деди Паркер iFL TV YouTube каналига берган интервьюсида.

Эслатиб ўтамиз, боксчилар ўртасидаги илк жанг ўтган йилнинг 26 сентябрида бўлиб ўтган эди.

Маълумот учун, реванш шу йилнинг 20 август санасида ўтказилиши кутилмоқда.