«Жўйжангал» маҳалласи «Вилоят прокурори кубоги» соҳиби

Жойларда соғлом турмуш тарзини кенг тарғиб этиш ва оммавий спортни янада ривожлантириш мақсадида Термиз шаҳридаги маҳаллаларнинг уюшмаган ёшлари ўртасида мини-футбол бўйича «Вилоят прокурори кубоги» мусобақаси ўтказилди. Унда Термиз шаҳридаги жами 21та маҳалла жамоалари иштирок этишди.

Кеча «Вилоят прокурори кубоги» мусобақасининг финал учрашуви бўлиб ўтди ҳамда ғолиб ва совриндорлар аниқланди.

Қизиқарли ва муросасиз кечган финал учрашувида Термиз шаҳридаги «Жўйжангал» маҳалласи жамоаси «Эски шаҳар» маҳалласи жамоасини йирик – 4:1 ҳисобида мағлуб этди ва мусобақа ғолиблигини қўлга киритди.

Фахрли 3-ўрин «Ўзбекистон» маҳалласи жамоасига насиб этди.