Журналист ўқ отишдан 2-ўринни эгаллаган спортчиларга: Финалга чиқиб қолдинглар, кутганмидинглар шунақа бўлишини?

Жавоҳир Соҳибов ва Мухтасар Тоҳирова ўқ отиш бўйича аралаш баҳслар финалида Хитойга қарши беллашишди. Афсуски, ушбу баҳсда мезбонларнинг қўли баланд келиб вакилларимиз кумуш медалга лойиқ кўрилди.

-Финалга чиқиб қолдинглар, кутганмидинглар шунақа бўлишини?

«Мусобақа аъло даражада ўтди. Бу натижага эришиш учун туну-кун тайёргарлик кўрдик. Бу гал кумуш медаль бўлиб қолди, кейинги сафар олтин медални қўлга киритишга ҳаракат қиламиз. Биз қўлимиздан келганча ҳаракат қилдик. Финалга чиқишни кутгандик, албатта» - деди Мухтасар Тохирова.

«Афсуски, бугун Хитойга қарши финалда имкониятни бой бердик. Хитой бу спорт турида анча кучли. Осиё ўйинлари биз учун жуда ҳаяжонли мусобақа сифатида хотирамизда қоладиган бўлди. Келаси мусобақаларда насиб қилса, Хитойни ҳам енгамиз. Делагациямиз сафидаги барча спортчиларга омад тилаймиз» - деди Жавоҳир Соҳибов мусобақадан сўнг сайтимиз мухбирига берган интервьюсида.