Кадамбаева ва Баратов Анталия "Катта Дубулға" бронза медали учун татамига чиқади

Саралаш баҳсларини муваффақиятли ўтказган ҳамюртларимиздан икки нафари 1/2 финалга қадар етиб келди ва кечки дастурда бронза медали учун курашиш имкониятини қўлга киритди.  

Сита Кадамбаева (-52 кг) финал остонасида Олимпиаданинг бронза медали соҳибаси британиялик Челси Жайлздан енгилди. Кечки дастурда дзюдочимиз испаниялик Эстрелла Шериф Лопезга қарши бронза медали учун курашади.

Дилшодбек Баратов эса финал чиптаси учун асли келиб чиқиши грузиялик, ҳозирда Франция шарафини ҳимоя қилаётган Лука Мхеидзега имкониятни бой бериб қўйди. Энди у кечки дастурда бронза медали учун бельгиялик Йорре Ферстрэтенга қарши татамига чиқади. 

Яна бир ҳамюртимиз Ҳалимажон Қурбонова (-48 кг) 1/4 финалга қадар етиб келди ва бронза медали учун ўтиш беллашувда бразилиялик Аманда Лимага ютқазиб қўйди.  

Бронза медали учун баҳс

-52 кг вазн тоифаси

Сита Кадамбаева (Ўзбекистон) - Эстрелла Шериф Лопез

-60 кг вазн тоифаси

Дилшодбек Баратов (Ўзбекистон) - Йорре Ферстрэтен (Бельгия)