"Камаргача бир қадам қолди". Шаҳрам Ғиёсовнинг навбатдаги рақиби ва жанг санаси маълум + ПОСТЕР

Унга кўра. чарм қўлқоп устамиз 17 июнь куни АҚШда америкалик Харольд Кальдеронга қарши WBA Элиминатор жангида рингга кўтарилади.

"Ассаламу алайкум, юртдошлар. Худо хоҳласа, жангим 17 июнь куни АҚШда бўлиб ўтади. Рақибим америкалик енгилмас спортчи - 27-0. Насиб қилса, уни мағлуб этганимдан кейин чемпионлик жангига бир қадам қолади", - деб ёзди Ғиёсов ўзининг Инстаграм саҳифасида.

Ғиёсовнинг рақиби америкалик Харольд Кальдерон фаолияти давомида 27 та жанг ўтказган ва уларнинг барчасида ғалаба қозонган. Рақибларини 18 та жангда муддатидан аввал мағлубиятга учратган. Ўн икки раундлик жанг ғолиби WBA чемпионлик камари учун расмий ва мажбурий даъвогарга айланади. 

Эслатиб ўтамиз, боксчимиз сўнгги жангини ўтган йилнинг 8 май тонгида Лас-Вегас шаҳрида мексикалик Кристиан Гомесга қарши ўтказиб, очколар ҳисобига кўра ғалаба қозонган эди. Бу Шаҳрам учун профессионал фаолиятидаги 13-жангдаги 13-ғалабаси бўлганди.  

Ғиёсов айнан бир йил олдинги жангида ярим ўрта вазн (66,6 кг) тоифасида IBF North American Шимолий Америка минтақавий чемпионлик камарини қўлга киритганди.