“Камару Усман, тайёр тур”. Қозоғистонлик жангчи мухлисларини ҳайратлантирди

Раҳмонов Таймусов ва Бернсни мағлуб этган жангчини қийинчиликсиз таслим этди

Лас-Вегасда ўтказилган UFC Fight Night 190 турнирида қозоғистонлик ёрқин ММА жангчиси Шавкат Раҳмоновнинг навбатдаги жанги бўлиб ўтди. У бразиялик Мишелю Празерисга қарши курашди ва ғалабага эришди. Раҳмонов 39 ёшли бразиялик билан жангга ўзининг тажрибаси билан эришди. У профессионал сифатида 13 та жанг ўтказган ҳамда барчасида муваффақият қозонган. UFC'да эса иккинчи марта октагонга кўтарилди. Раҳмонов дебютида Алексей Оливейрани таслим бўлишга мажбур қилган. Бу кураш UFC 254 кечасида бўлган, шунингдек турнирда Хабиб Нурмагамедов ҳам мастер-класс намойиш қилган. 

Празерисга келсак, 39 ёшли фахрий жангчи Майрбек Тайсумов ҳамда камар учун даъвогар Гилберт Бернс устидан ғалаба қозонган, австриялик Чечен Исмаил Наурдиевдан маъғлубиятга учраганидан сўнг октагонга кўтарилди. Фахрий жангчида ўзининг нималарга қодир эканлигини кўрсатиш имконияти туғулди.

Жангнинг дастлабки сонияларидаёқ ММА да ўзининг 30-жангини ўтказаётган Празериснинг рақибидан қўрққанлиги ҳайратланарли тус олди. Бразиялик бор кучи билан курашдан қочишга уринди, бироқ унда имконият бўлмади. Раҳмонов рақибини таслим бўлишга мажбурлади ва бироздан кейин биринчи тейкдаунни амалга оширди. 

Чарчаб қолган бразиялик ҳеч нарса қила олмас, ҳаттоки қарши ҳужум ҳам қила олмади, Шавкат эса асабийлашмасдан жанг қилди. 

Иккинчи раундда Раҳмонов ишини якунига етказди. Навбатдаги тейкдаун бразияликни йиқитди. Гранд-энд-паунддан кейин Раҳмонов рақибини бўғишни бошлади ва жангга нуқта қўйди. 

Раҳмонов фаолиятидаги ўн тўртинчи ва УФC даги иккинчи ғалабасини қўлга киритди. Америка лигасидаги икки муваффақиятга муддатидан олдин эришди. 

ESPN Раҳмоновнинг бу ғалабасидан кейин уни “муаммо” деб аташни бошлади. 

Шавкатни қўллаб-қувватлаганлар бу муваффақиятдан жуда хурсанд бўлишди. Унинг собиқ мухлислари эса севимли жангчиси тез орада яримўрта вазн ёифасидаги Камару Усманга ҳам қийинчиликлар туғдиришига ишончи комил. 

Инстаграм фойдаланувчиларидан бири UFC Россия саҳифасида: “Камару Усман, тайёрлан. Сенга қарши қозоқ жанг қилади. Худо хоҳласа, у навбатдаги чемпион”,-деб ёзди.

Бошқа бир обуначи эса лиганинг машҳур юлдузи Шавкатнинг кейинги рақиби бўлиши мумкинлигини ёзиб қолдирган. 

“Навбат Хамзат Чимаевга”. “Йўлбарс, олға, Қозоғистон”,-каби бир соат ичида мингдан ортиқ комментариялар ёзилган. 

Албатта, ҳозирча Шавкатнинг чемпионлик имкониятлари ҳақида гапириш эрта, аммо унинг UFC'даги ғалабалари Қозоғистонликларга умид бахш этади.  Раҳмонов ажойиб кураш маҳоратини намойиш қилиб, икки марта муддатидан олдин ғалабани қўлга киритди. 

Шунингдек Шавкат билан жанггача Празерис ҳеч қачон муддатидан олдин енгилмаган эди. 39 ёшли брзазиялик фаолиятидаги тўртинчи мағлубиятга учради, бироқ олдинги муваффақияцизликлари ҳакам қарори билан қабул қилинган эди. 

Шундай қилиб Шавкатнинг йўли кичкина бўлса ҳам тарихий ютуқлардан бошланди.

Хорижий сайтлар асосида Озода Қаюмова тайёрлади