Камилла Раҳимова ҳамда Полина Кудерметова Australian Open турнирида яккалик баҳсларидаги иштирокидан қанча пул ишлаб олишди?

Мамлакатимизнинг биринчи рақамли аёл ракетка устаси бўлмиш Раҳимова илк даврада дунёнинг учинчи ракеткаси, америкалик Коко Гофф билан баҳс олиб борди ва 2/6, 3/6 ҳисобида имкониятни бой бериб, мусобақани тарк этди.

Кудерметова эса биринчи босқичда испаниялик Гиомар Маристанини 6/2, 6/3. ҳисобида енгди. Даниялик 23 ёшли Клара Таусонга қарши кечган баҳсда эса Полина 3:6, 6:3, 5:7 ҳисобларида мағлубиятга учради.

Энди ҳар икки теннисчимиз жуфтлик йўналишидаги беллашувларда ўз омадларини синаб кўришади. Маълум бўлишича, яккалик баҳслари орқали Камилла Раҳимова 101 минг, Полина Кудерметова эса 151 минг АҚШ доллари миқдорида кафолатланган гонорарни ишлаб олган.