23 апр 11:34
Янгиликлар
Теннис
Камилла Раҳимова Madrid Open турнирининг илк даврасида кортга чиқди
Испаниянинг Мадрид шаҳрида теннис бўйича аёллар ўртасида WTA 1000 таснифидаги турнирнинг асосий тўр баҳслари бошланди.
Мусобақада мамлакатимизнинг биринчи ракеткаси Камилла Раҳимова ҳам ўз омадини синаб кўрди. У грунт кортларда ўтказилаётган турнирнинг 1/64 финал босқичида украиналик Ангелина Калининага қарши кортга чиқди.
Икки соату 46 дақиқа давом этган баҳсда 29 ёшли Калинина 6/2, 5/7, 6/2 ҳисобида ғалаба қозонди. Ангелина мусобақага квалификация орқали йўлланма олганди.
Таққослаш учун, 24 ёшли Камилла ҳозирда WTA рейтингида 73, Ангелина Калинина эса 110-ўринни эгаллаб турибди.
Mutua Madrid Open турнирининг умумий мукофот жамғармаси 8 млн 235 минг 540 АҚШ долларини ташкил этади.
Ҳавола :
Манба : olamsport.com
Фикрлар