07 дек 20:42
Янгиликлар

Теннис

Камилла Раҳимова Ўзбекистон учун илк WTA совринини ютди

Ҳозиргина Франциянинг Анже шаҳрида теннис бўйича аёллар ўртасида ўтказилган WTA 125 тоифасига кирувчи турнир ўз якунига етди.

Мусобақада 24 ёшли асли россиялик ракетка устаси, ноябрь ойидан Ўзбекистон шарафини ҳимоя қилаёган Камилла Раҳимова ҳам муваффақиятли иштирок этди. У ҳал қилувчи финал учрашувида германиялик Тамара Корпачга қарши кортга чиқди.

Икки соату 24 дақиқа давом этган матчда WTA рейтингида 112-ўринни эгаллаб турган Раҳимова 6/3, 7/6(4) ҳисобида ғалаба қозониб, Анже турнири бош совринини қўлга киритди. Бу унинг Ўзбекистон учун тақдим этган илк чемпионлик соврини бўлди.

Таққослаш учун, 30 ёшли Тамара Корпач WTA рейтингида 138-ўринни банд этган. Катта эҳтимол билан Камилла Раҳимова эртага эълон қилинадиган янгиланган WTA рейтингида Топ-100`таликка киради.